جنتشان مبسوطة شويتين

كنا في الأيام الأخيرة من الرحلة، طبعاً اكتئاب وخنقة عشان هنسيب الدلع ده ونرجع للهم تاني، المهم كان كل الناس بتودع بعضها، وتتبادل الهدايا وخلافه. كنت قاعد انا وشوشو واحمد في الكابينة بتاعة الأخير لما دخلت علينا الآنسة جنتشان من الوفد الياباني، حاجة كدة صغنتوتة وعسولة ومركبة تقويم أسنان وبتضحك على طول، يعني سكر البنت كانت.. المهم دخلت علينا مبسوطة كالعادة مش عارف ليه، فقلت اروح اجيبلها اي هدية قبل ما انسى، احمد برضه حب يقوم بالواجب وشوشو بيصوّر كالعادة، الحقيقة البنت كانت فرحانة بشكل هيستيري، احنا نفسنا مقدرناش نقاومه من الضحك